New York, 13 dhjetor - Google ka publikuar tendencat që kanë dominuar në vitin 2012 matur në sajë të kërkimeve më të popullarizuara në faqen e kërkimit.

Nga Whitney Huston te uragani \'\'Sandy\'\' duke kaluar nga kërcimi \"Gangnam style\", Google ka publikuar tendencat që kanë dominuar në vitin 2012, matur në sajë të kërkimeve më të popullarizuara në faqen e kërkimit.

Vdekja e papritur e këngëtares amerikane në muajin shkurt shkaktoi një valë të pazakontë kërkimesh që e renditën në krye të listës të zbuluar nga raporti \"Google Zeitgeist 2012\".

Menjëherë më pas vjen suksesi koreanojugor \"Gangnam Style\", që e bëri pop starin Psy shumë të njohur në një kohë shumë të shkurtër.

Psy u rendit gjithashtu në vendet e para për kërkimet në Google në shumë vende dhe klipi i tij i publikuar në YouTube ka qenë videoja më e shikuar e të gjitha kohërave në këtë platformë.

\"Kërcimi i Psy në \'Gangnam style\' ka shkaktuar një stuhi në botë\'\', komentoi zëvendëspresidenti i Google Amit Singhal në blogun e tij.

Është një tjetër stuhi, uragani \'\'Sandy\'\', që u rendit në vendin e tretë përsa i përket kërkimeve.

\'\'Sandy\'\' shkatërroi në muajin tetor një pjesë të Karaibeve, Haitit dhe verilindjen amerikane.

Bashkëshortja e princit William të Anglisë, Kate Middleton, shtatzënia e së cilës u publikua në ditët e fundit të vitit, arriti të renditet në top listën 10 emrave më të klikuar në klasifikimin e Google, që përfshin 838 kategori në 55 vende.