Gjakovë, 25 shtator - Hapësira Krijuese BONEVET është një organizatë jo qeveritare - jo profitabile me lokacion në Gjakovë, e para e këtij lloji në Ballkan. BONEVET ofron një ambient stimulues dhe kreativ, ku njerëzit mblidhen të ndajnë diturinë.

Kjo hapësirë është e pajisur me teknologjinë e fundit, ku pjesmarrësit mund të punojnë në projekte së bashku, të krijojnë lidhje profesionale mes tyre dhe poashtu të ndërtojnë prototipe unike dhe interesante.

Qëllimi kryesor është që çdo gjë e cila mund të imagjinohet, mund edhe të krijohet, pasi që në BONEVET ofrohen mjetet dhe hapësirat, këshilltarët, mentorë dhe ekspertë të cilët janë në dispozicion për të mbështetur anëtarët e BONEVET.

Shumë prej jush tashmë keni ndëgjuar për Hapësirën Krijuese BONEVET, dhe jeni të vetëdijshëm për rëndësinë e saj si mbështëtes i fortë i arsimimit plotësues në të gjithë rajonin.

Përkrahja e deritanishme që ka pranuar ka qenë e madhe, duke qenë si njera ndër arsyet kryesore pse BONEVET vazhdon të punojë dhe të bëjë gjëra të mrekullueshme dhe inovative.

BONEVET për të i‘u mundësuar pjesmarrjen të gjithë atyre të rinjëve të cilët kanë dëshirë për të qenë pjesë e saj ka filluar një Crowdfunding Campaign.

Qëllimi kryesor i saj është krijimi i fondeve të cilat do të shpërndahen në klasa të ndryshme duke i’u dhënë mundësinë të rinjëve të bëhen pjesë e BONEVET,  të pasurojnë njohuritë e tyre duke mësuar, krijuar dhe të shprehin aftësitë e tyre në teknologji, elektronikë, dizajnim, programin, mekanikë e shumë lëmi të tjera.

Ata që do të mbështesin këtë kampanjë do t’i japin  mundësinë shumë të rinjëve të bëhen pjesë e Hapësirës Krijuese të parë në vend, të edukohen, të mësojnë, të krijojnë, dhe të shprehin talentin e tyre. Kushtet e mrekullueshme që kjo qendër ofron, bashkë me mjetet e avancuara dhe pajisjet teknologjike, janë ideale për krijimin e inovacioneve kreative.

BONEVET permes Crowdfunding Campaign shpreson të mbledhë EUR 4.000. Me shume informata rreth kesaj kampanje mund te gjeni ne linkun e meposhtem: