New York, 22 gusht - Hakeri palestinez që arriti të hyjë në murin e profilit të Mark Zuckerberg në Facebook, do të marrë afërsisht 12 mijë dollarë nga një fushatë në internet.

Fushata “GoFundMe”, ka mbledhur 11 741 dollarë për Khalil Shreateh, i cili nuk mori shpërblim nga Facebook për shkak se theu rregullat e përdorimit të rrjetit social.

“Nuk do të ndryshojmë praktikën tonë për refuzimin e pagesës për kërkues të cilët provojnë zbulimin ndaj përdoruesve të vërtetë”, shprehet Joe Sullivan, shef sigurie pranë Facebook.

Shreateh në fakt pretendon se ka kontaktuar administratorët e Facebook për zbulimin, por ata e kanë injoruar thirrjen e tij. Dhe pas kësaj ai “theu” adresën e themeluesit të Facebook për të tërhequr vëmendje.