SHBA, 29 maj - AdMob është zyrtarisht pronë e Google. Lajmin e ka bërë të ditur në blogun e tij vetë kolosi i Mountain View.

Blerja është bërë vetëm pak ditë pasi është marrë drita jeshile nga Federal Trade Commission mbi blerjen prej 750 milionë dollarësh.

Transaksioni ishte ngrirë për gjashtë muaj nga hetimet e autoriteteve amerikane, të shqetësuara se me AdMob, shoqëria lider në mobile advertising, Google mund të shtrijë pozicionin e tij dominant në një sektor të ri të rëndësishëm teknologjik.