SHBA, 8 dhjetor - Google ka shfaqur një ueb dyqan të ri në të cilën ofrohen lojëra, lajme dhe aplikacione tjera softuerike, dhe përmes së cilës kjo kompani po tenton të ketë një rol më të madh në gjeneratën e ardhshme të internetit dhe argëtimit.

Eletronic Arts ka demonstruar një lojë që do të paraqitet në shitje në “Chrome Store”, që pritet të jetë aktive së shpejti. E në të do të ketë edhe aplikacione që përpunojnë lajme nga National Public Radio dhe New York Times.

Ekezekutivët e Google gjithashtu kanë thënë në një konferencë për media në San Francisco se shfletuesi i internetit Chrome ka më shumë se 120 milion përdorues, ndërsa në muajin maj kishte rreth 70 milion.

Apple në tetor pati bërë të ditur se do të hap një dyqan aplikacionesh për kompjuterët e saj Macintosh, në të  cilin dyqan do të tentojë të riprodhojë suksesin e aplikacioneve të shituara në iPhone. Dyqani pritet të jetë aktiv vitin e ardhshëm.