New York, 30 janar - Kompania britanike e kërkimeve Trendstream gjatë javës ka vënë re në indeksin e saj global të rrjeteve sociale se Google+ tani është ngjitur në vendin e dytë, si rrjeti më i famshëm social në botë, shkraun krokodili.com.

Përveç Google+, edhe rrjeti tjetër social në video – YouTube ka kaluar në vendin e tretë, duke e lënë pas rivalin e madh të Facebook-ut, rrjetin social Twitter, i cili ndiqet nga Linkedin, që tani është në vendin e pestë.

Sipas tabelës së Trendstream, Google+ zë vendin e dytë, pasi numri i përdoruesve aktivë për Facebook në dhjetor të vitit të kaluar ishte 693 milionë, ndërsa Google+ kishte 343 milionë.