New York, 23 maj - Google ka marrë vendimin që të ndalojë produktin që ka qenë në dispozicion për tetë vite, Google Reader.

Kompania gjigante Google ka hequr disa nga produktet e veta, siç tregohet me shuarjen e 69 produkteve gjatë dy viteve të fundit.

Nga 1 korriku e tutje ky produkt nuk do të mund të përdoret edhe nëse jeni të interesuar që të ruani të dhënat nga llogaria juaj në Google Reader.

Ky lajm u përcoll gjatë muajit mars, që Google Reader nuk do të jetë më në dispozicion për përdoruesit dhe për shkak se kompania kishte cekur planet e veta për t’u përqendruar në disa produkte kyçe.

Për të eksportuar të dhënat nga Google Reader mund të filloni në Google Takeout dhe të zgjidhni tabin “Choose Services” dhe pastaj të klikoni butonin “Reader”.

Ju do të shihni një paraqitje virtuale e skedarit ZIP që do të eksportohet që përfshin tetë skedarë, së bashku me madhësinë e vlerësuar të eksportit dhe një buton të madh të kuq në pjesën e poshtme për të “Krijuar Arkiv”.

Sapo të keni klikuar “Create Archive”, ju do të shkoni tek faqja Takeout-i “ndërton” arkivin tuaj. Kjo duhet të marrë disa sekonda, pavarësisht nga madhësia e të dhënave tuaja.