New York, 23 janar - Me vendosjen në funksion të Facebook Graph Search, si motor i ri i kërkimit në internet, Google menjëherë është përgjigjur duke e rritur praninë e saj në rrjetet sociale.

Disa ditë pas debutimit të Facebook si motor i personalizuar i kërkimit në internet, me të cilin rrjeti social potencialisht mund të rivalizojë me Google+, rivali i Facebook, Google ka bërë një zgjerim të ri në 48 shtete dhe territore të reja, shkruan krokodili.com.

Aplikacionet e Google+ për iPad dhe iPhone, të cilat ishin lëshuar në korrik të vitit 2012 për vende të caktuara, tani do të jenë në dispozicion edhe në 48 vende të reja, duke përfshirë edhe Shqipërinë.