New York, 29 maj - Kompania Google po shqyrton mundësinë për t'u angazhuar me projektin për mundësimin e Internetit banorëve të zonave rurale me ndihmën e rrjeteve dhe aerostateve.

Në bordin e aparateve fluturuese, të cilat quhen "platforma të lartësisë”, planifikohet të instalohen pajisje për sigurimin e aksesit falas në Internet.

Platformat e lartësisë supozohet të përdoren në Afrikë në territoret në jug të shkretëtirës së Saharasë dhe në Azinë Juglindore.

Përveç kësaj, kompania Google planifikon t’i ofrojë komunitetit rural Internet nëpërmjet një kanali satelitor, duke përdorur "njollat e bardha" (vijat e papërdorura) në frekuencat televizive.