New York, 21 janar - Google+ ka arritur numrin prej 90 milion të anëtarëve. Rrjeti social i gjigantit të kërkimit, Google, duket se po ecën me një rritëm të lart rritjeje.

Në fund të vitit të kaluar Google+ numëronte vetëm 62 milion ndërsa tashmë kur nuk kanë kaluar ende një muaj nga vitit 2012-të, rrjeti numëron 90 milion anëtarë.

Pavarësisht kësaj, Google+ është ende mbrapa rrjetit më të madh në botë, Facebook, i cili sot ka mbi 800 milionë përdorues.

Gjatë gjithë kësaj kohe, Google është duke shtuar shërbime dhe funksione të reja në Google+, pasi që po synon të marrë pjesë të tregut nga rivalët e saj më të mëdhenj.