Seul, 16 maj - Drejtori i kompanisë, Lee Young-hee ka thënë për The Wall Street Journal se pajisja ende nuk është finalizuar, por ka shtuar se ekziston mundësia që ekrani i Note 4 të lakohet në çdo anë.

Më parë ishte bërë e ditur se Galaxy Note 4 mund të fuqizohet me një procesor 64-bit dhe 4 gigabajt RAM dhe se do të vijë me ekran më të madh se paraardhësit e tij.

Kjo pajisje spekulohet se do të prezantohet në Kongresin e telefonisë mobile në Berlin gjatë muajit shtator, së bashku me “Galaxy Glass” që besohet të jetë kundërpërgjigje e Google Glass-it.

Specifikat e sakta të Note 4 Samsung-u do t’i bëjë të ditur në konferencën për shtyp që do të mbahet në New York muajin e ardhshëm.