Facebook sfidon YouTube me “Facetube”
Facebook dëshiron të bëjë shtëpinë e saj për biznese, por jo si një gazetë, por më shumë si kanale televizive.
Dhe dihet që kjo është pika më e fortë e YouTube-it. Për këtë arsye ka bërë edhe një dizajn të ri për sektorin e videove që shfaqen nga faqet e Facebook-it.
Të gjitha bizneset së shpejti, do të mund të zgjedhin këtë tipar për të shfaqur videot me dimensione extra-large bashkangjitur me një koment, në majë të faqes së tyre, dhe të krijojnë playlist me përmbajtje të videove të tyre. Kjo e bën që videot më të mira të faqeve të duken shumë si kanalet në YouTube.
Ky tipar tashmë mund ta shihni në faqen e rrjetit amerikan ABC News. Nga kompania kanë pranuar se janë duke e testuar këtë format, në një pjesë të vogël të faqeve në facebook, dhe kanë të plan ta publikojnë atë për të gjithë, në javët e ardhshme.
