New York, 4 shkurt - Rrjeti social më i madh në botë Facebook feston sot 9-vjetorin e themelimit të tij.

I formuar në vitin 2004 nga Mark Zuckerberg dhe disa miq të tij nga Universiteti \"Harvard\", Facebook sot është kompani globale me mbi 4 mijë të punësuar dhe më shumë se një miliardë përdorues në mbarë botën.

Fillimisht emri i \"Facebook\" i shpikur nga Zuckerberg ishte \"Facemesh\", por pas sugjerimeve të miqve të tij ishte ndryshuar.

Në Facebook në muaj shpërndahen më shumë se 30 miliardë informacione, ndërsa në ditë vendosen mbi 250 milionë fotografi.