New York, 14 korrik - Fillimisht u raportua nga “TechCrunch”, revista e dixhitale mbi teknologjinë, se Facebook arriti 750 milion përdorues.

Por sot erdhi konfirmimi nga vet krijuesi i Facebook, Mark Zuckerberg. Zuckerberg shtoi se shkëmbimi i informacionit në faqe po rritet në mënyrë eksponenciale.

Krijuesi i Facebook deklaroi se nuk raportuan më parë shifrën e përdoruesve, sepse për ata objektivi i rëndësishëm është një miliard.

Facebook nuk ka lëshuar komente mbi numrin e përdoruesve që kur arriti 500 milion përdorues, vitin e shkuar.

Facebook e llogarit numrin e përdoruesve të tij me përdorues të loguar në faqe muajin e fundit dhe jo me numrin e llogarive ekzistente në rrjetin social, numër ky që është akoma më i madh.