New York, 26 gusht - Lajmi u përhap në të gjitha bloget dhe faqet e internetit këtë javë: Facebook bëhet faqja e parë e internetit që arrin 1 trilion shikime mujore të faqes.

Informacioni kishte ardhur nga shërbimi i reklamave i quajtur DoubleClick Ad Planner - i cili, për ironi, drejtohet nga rivali i Facebook-ut, Google.

Raporti më i fundit i Ad Planner, i cili mbulon muajin qershor, tregoi se përdoruesit shikuan gati 1 trilion faqe në Facebook gjatë muajit.

Por një shërbim tjetër që mat shikimet e faqeve dhe që është shumë i njohur, comScore, ka një numër shumë më të vogël.

Në raportet e fundit, për korrikun, comScore zbuloi se Facebook kishte "vetëm" 467 miliardë shikime në muaj.