Pekin, 18 dhjetor - Elephone P5000, është telefoni më i fundit inteligjent i krijuar nga kompania kineze Elephone, e cila pritet ta hedhë në treg janarin e 2015-ës.

Ajo që e bën të veçantë këtë telefon është bateria e tij e madhe me një kapacitet prej 5350\">5350 mAh, krahasuar me rekordin e mëparshëm të telefonave Philips Ë6618, që përmbanin bateri me kapacitet 5300 mAh.

Sipas kompanisë Elephone, bateria me kapacitet 5350\">5350 mAh mund të zgjasë për 4 ditë përdorim. Bateria furnizohet shpejt (shkon në 70% për një orë), dhe mund të përdoret për të transferuar energji tek telefonat inteligjentë dhe pajisjet e tjera. Telefoni është i hollë përmasat 144 x 71 x 9.3 mm.

Ndër të tjera ky telefon përmban një ekran 5 inç me rezolucion 1080 pikselë, sensorin e gjurmëve të gishtërinjve, sistemin e pagesave NFC, një kamera frontale 8 megapikselë, kamera të pasme 16 megapikselë, 2GB RAM dhe 16GB hapësirë të brendshme. Telefoni fuqizohet nga procesori MediaTek MT6592 me tetë bërthama me shpejtësi 1.7 GHz.