Florida, 27 shkurt - Zyrtartët amerikanë thonë se anija e hapësirës Diskavëri mbërriti për misionin e fundit në Stacionin Ndërkombëtar të Hapësirës dhe është planifikuar të lidhet me stacionin sot.

Diskavëri me ekipin prej 6 astronautësh u nis të enjten nga nga qendra e hapësirës Kenedi në Florida.

Gjatë misionit të tij 11 ditësh, ekuipazhi i përbërë nga pesë burra dhe një grua do të çojë furnizime në stacion, përfshirë module magazinimi, një robot si dhe do të kryejë ecje në hapësirë.

Anija Discovery  ka përshkruar rreth 230 milionë kilometra në 30 vjet. Ajo e kreu udhëtimin e parë në vitin 1984. Discovery është anija amerikane hapësirës që ka kryer më tepër fluturime.