New York, 26 mars - Në Internet-forumin polak WinForum janë publikuar screenshot-et e versionit të ri të sistemit operativ Windows me emrin e koduar Windows Blue.

Duke gjykuar nga imazhet, Blue ka më shumë gjasa të jetë versioni i rinovuar i Windows 8, të hedhur në treg në tetor të vitit 2012, se sa një sistem operativ i pavarur.

Ai nuk ofron karakteristika krejtësisht të reja, shumica e inovacioneve plotësojnë funksionet e ofruara nga Windows 8.

Ekzistenca e Windows Blue u bë e ditur në shkurt të vitit 2013. Sipas të dhënave jozyrtare, sistemi do të jetë gati për përdorim në verën e vitit 2013.