Apple shkëmben smartfonat rivalë për një iPhone
Apple do të fillojë të pranojë të gjitha smartfonat, përveç atyre të Apple-it, ndërsa si shkëmbim do t’ ju dhurojë një iPhone, raporton 9to5Mac.
Konsumatorëve do t’u ofrohen kartat për dhuratë të bazuara në vlerën e smartftonit të tyre, të cilat pastaj mund t’i përdorin për të blerë një nga smartfonat e kompanisë Apple.
Stafi i dyqanit me pakicë i Apple-it është duke u trajnuar për këtë skemë të re, e cila do t’i aftësojë ata për të përcaktuar vlerën e smartfonëve dhe për të transferuar listën e kontakteve nga smartfoni i tyre në iPhone-in e ri, ndërsa të dhënat tjera konsumatorët duhet t’i transferojnë vetë.
Mendohet që dyqanet e Apple-it do të fillojnë të pranojnë smartfonët rivalë pas disa javëve.
Në gusht të vitit 2013, Apple skemën “Ripërdorimi dhe Reciklimi i iPhonëve të vjetër” së pari e ka filluar në Shtetet e Bashkuara, pastaj është përcjellë për një kohë të shkurt edhe në Mbretërinë e Bashkuar.
