New York, 12 shtator - Më në fund Apple zbuloi telefonin e saj të fundit, i cili sigurisht quhet iPhone 5. iPhone 5 ka një ekran më të madh se versionet e mëparshme, me një rezolucion 1,136 x 640 ose 326 pikselë për inç, që mbetet një ekran “retina”, ashtu siç pretendon Apple-i.

Ekrani më i madh ka një raport aspekti 16:9 dhe e ka shtuar gjatësinë e përgjithshme të telefonit, por gjithashtu lejon edhe një total prej 6 rreshtash aplikacione në ekran – 5 rreshta në “faqe” së bashku me një rresht të vetëm permanent në fund të ekranit, shkruan korkodili.com.

Aplikacionet e projektuara për iPhone-ët e mëparshëm nuk krahasohen me ekranin e ri – ato kanë shufra të zeza në të dy fundet e ekranit.

Telefoni, që thuhet se është krejtësisht prej xhami dhe alumini, është gjithashtu edhe më i hollë në tërësinë e tij. Është vetëm 7.6 mm i hollë, 18% më i hollë se iPhone 4S-ja, siç kemi raportuar edhe në artikujt e mëparshëm në uebfaqen tonë teknologjike krokodili.com. Pesha është 112 gramë, 20% më i lehtë se 4S-ja.

Zëvendëspresidenti i Apple-it për marketingun për tërë botën, Phil Schiller, thotë se iPhone 5 është “produkti më i bukur që kemi prodhuar ndonjëherë”.

iPhone 5 është gjithashtu telefoni i parë 4G LTE i kompanisë. Celulari inteligjent do të jetë kompakt me rrjetet LTE me shpejtësi të lartë të AT&T, Verizon-it dhe Sprint-it, në SHBA dhe rrjetet e tjera globale: Virgin në Kanada, Singtel dhe Telstra në Australazi, dhe Deutsche Telekom në Evropë.

Modeli i ri përfshin gjithashtu wireless ultra të shpejtë, i cili ndërthur Wi-Fi 5GHz 802.11n, duke i dhënë iPhone 5-ës më tepër internet me bandë të gjerë (bandwith).

Një procesor i ri, Apple A6, vë në punë pajisjen. Apple thotë se është dy herë më i shpejtë se pasardhësi i tij dhe 22% më i vogël.

Për më tepër, edhe kamera e iPhone-it ka pësuar një përmirësim. Akoma ka një sensor 8 megapikselë, por është 25% më i vogël dhe përfshin më shumë karakteristika.

Gjendja dinamike me dritë të ulët pretendon të nxjerrë foto më të mira pa përdorur flash-in dhe opsionet e tjera si ulja e zhurmës dhe filtrimi inteligjent, do të përmirësojë cilësinë e imazhit. Apple thotë se kamera do t’i nxjerrë fotografitë 40% më shpejt.

Është për t’u përmendur fakti se aparati i ri ka edhe një gjendje panoramike të inkorporuar për nxjerrjen e fotove të gjera masive.

iPhone-i i ri përfshin zhvillime të reja edhe në telefonatat me zë. Tani ai është i pajisuar me tre mikrofonë të ndarë – para, në fund dhe mbrapa.

Pritja për iPhone 5-ën ka qenë e gjatë. Thashethemet qarkulluan shumë shpejt pas hedhjes në treg të iPhone 4 në 2010.

Shitjet e iPhone-it pësuan një rënie tremujorin e kaluar, duke u ulur në 26 milionë nga 35.1 milionë. Lëshimi ii Phone 5-ës duhet të shënojë një rritje tjetër potenciale dhe disa analistë parashikojnë se Apple-i do të shesë 10 milionë njësi brenda 3 javëve të para.