New York, 6 qeshor - Apple prezantoi pajisjen inteligjente që kontrollohet vetëm nga zëri dhe që mund t'i ndihmojnë përdoruesit për të bërë planifikime të ndryshme dhe pazar në internet.

E quajtur HomePod, pajisja u paraqit për herë të parë gjatë një takimi vjetor të inxhinierëve të softuerëve në San Francisco.

Ajo lidhjet me teknologjinë 'wireless' me internetin dhe ka kryesisht funksione të ngjashme me paraardhëset e paraqitura nga Amazon dhe Google, por drejtuesit e Apple-it janë zotuar se cilësia e zërit do të jetë më e lartë.

Ndihmësi zanor i Apple-it, Siri, do të integrohet në pajisjen inteligjente (smart) që pritet të dalë në treg me një çmim prej 349 dollarësh (USD). Ekspertët thonë se pajisja e Apple-it ka si përparësi lidhjen me shërbimin e Apple Music.