Tiranë, 20 nëntor - Operatori mobil në Shqipëri - AMC ka bërë të ditur se iPhone 4S do të jetë i disponueshëm në të gjitha dyqanet AMC dhe do të ofrojë disa plane tarifore të përshtatura për abonentët e iPhone në Shqipëri.

Drejtori i përgjithshëm i AMC, zoti Dimitris Blatsios, tha se, “AMC është krenare që sjell zyrtarisht iPhone 4S në Shqipëri.

\"Inovacioni është një nga vlerat tona thelbësore. Ne përpiqemi të vendosim në dispozicion të të gjithë abonentëve tanë arritjet më moderne teknologjike\", theksoi ai.

\"Cilësia e rrjetit tonë do të nxjerrë në dukje mundësitë e iPhone 4S dhe përfitimet që u ofron atyre që e përdorin”.

IPhone 4S është iPhone më i shpejtë dhe më i fuqishëm. Ka kamera 8 MP dhe pajisje optike të reja. Me të mund të regjistroni, të përpunoni dhe të ndani me të tjerët video në definicion të lartë 1080p.