Prishtinë, 8 shator - Sot rreth orës 11:30, Drejtoria për Hetimin e Krimeve Ekonomike dhe Korrupsion, pas hetimeve paraprake nën autorizimin e Prokurorisë Publike të Qarkut  Prishtinë dhe urdhëresës së Gjyqtarit të procedurës paraprake, kanë realizuar një operacion policor.

Hetuesit policor gjatë  këtij operacioni policor kanë  kryer   kontrollime  në rajonin Gjilanit dhe të Prishtinës  me ç’ rast kanë   arrestuar pesë persona me dyshimin e bazuar se kanë  kryer veprat penale “Falsifikim i Parëse dhe Krim i Organizuar” po ashtu  janë  konfiskuar në cilësi të provave materiale, para të dyshuara si të falsifikuara me vlerë  prej 980,000.00 dollarë.

Personat e arrestuar janë: A. B,   i lindur me 1949  mashkull/ kosovar, F.  B,  i lindur me 1977   mashkull /kosovar, R . L,   i lindur me 1957  mashkull /kosovar, F.  L,  i lindur  me 1981  mashkull /kosovar dhe V . L,  i lindur me 1988   mashkull /kosovar.

Parat e dyshuara (bankënota dollar false) janë gjetur gjatë   bastisjes në një shtëpi   në rajonin e Gjilanit.

Operacioni  policor ka  vazhduar edhe në rajonin e Prishtinës  ku janë konfiskuar  disa pajisje për të cilat dyshohet se janë përdorur për falsifikimin e parave.  

Bazuar në hetimet policore dyshohet se ky grup i personave të dyshuar  janë marrë me falsifikim  dhe vënie në qarkullim të parave të falsifikuara.

Operacioni policor është realizuar nga hetuesit policor të drejtorisë për hetimin e krimeve ekonomike dhe korrupsionit në  mbështetjen e  njësive speciale të policisë.

Të gjitha veprimet policore lidhur me ketë rast janë kryer me autorizimin e prokurorit përkatës dhe ndaj të arrestuarve është caktuar masa e ndalimit policor për 48 orë.