Prishtinë, 12 mars - Prokurori i “organeve”, amerikani Clint Williamson ia ka bërë me dije zëvendëskryeministrit Hajredin Kuçi, se tribunali për t’i hetuar akuzat ndaj ish-pjesëtarëve të Ushtrisë Çlirimtare të Kosovës (UÇK) do të përbëhet kryesisht nga ndërkombëtarët, për të qenë më objektiv dhe më i paanshëm.

Ai ka thënë se çështja e tribunalit duhet të përfundojë me konsensus brenda Prishtinës në mënyrë që çështja të mos shkojë deri në Organizatën e Kombeve të Bashkuara. 

Prokurori Williamson, i njohur më shumë si hetues i trafikimit të organeve në “Shtëpinë e Verdhë” i shoqëruar nga shefi i Misionit të EULEX-it, Bernd Borchardt, ka takuar zëvendëskryeministrin Hajredin Kuçi dhe ministrin e Punëve të Brendshme, Bajram Rexhepi.

/Zëri/