Prishtinë, 3 qershor – Mbrëmë policia ka marrë informacionin se në fshatin Sllatinë, të Podujevës, ka ndodhur një përleshje fizike mes disa personave, përleshje kjo e cila ka rezultuar me vdekjen e një personi.

Menjëherë pas marrjes së këtij informacioni në vendin e ngjarjes kanë dalë të gjitha njësitet  e nevojshme policore, të mbështetura edhe nga njësia e hetimeve rajonale  si dhe njësitë e tjera për ekzaminim të vendngjarjes.

Si pasojë e kësaj përleshje, ku dyshohet të jetë përdorur arma e ftohtë (thikë) si dhe mjete të forta (mjete pune),  janë lënduar shtatë persona, të cilët janë transportuar për tretman mjekësor në QKUK- Prishtinë, nga ku dhe kemi pranuar informatën se:

S. L, mashkull , 64 vjeç, shtetas i Republikës së Kosovës, nuk ka mundur
të përballoj plagët e shkarkuara arma e ftohte (thikë)  dhe i njëjti ka ndërruar jetë. Vdekjen e viktimës e ka konstatuar ekipi mjekësor në QKUK.

Trupi i pajetë i viktimës, me urdhër të prokurorit të shtetit është dërguar në institutin e mjekësisë Ligjore për obduksion.

Rasti në polici është cilësuar si vrasje e rëndë dhe lidhur me këtë rast janë arrestuar  shtatë  persona të dyshuar, pesë nga ta:

E. I, mashkull , 36 vjeç, shtetas i Republikës së Kosovës,
B.L, mashkull , 25 vjeç, shtetas i Republikës së Kosovës,
E.I,  mashkull , 23 vjeç, shtetas i Republikës së Kosovës,
A.L, mashkull , 22 vjeç, shtetas i Republikës së Kosovës dhe
L.L, mashkull , 18 vjeç, shtetas i Republikës së Kosovës, pas autorizimit nga ana e prokurorit të shtetit, janë dërguar në qendrat e mbajtjes, ndërkohë që dy personat e tjerë të dyshuar, që po ashtu janë nën masën e arrestit policor

R. L, mashkull , 62 vjeç, shtetas i Republikës së Kosovës dhe
Xh.I, mashkull , 56 vjeç, shtetas i Republikës së Kosovës,                                        po vazhdojnë tretmanin mjekësor në QKUK.

Në bazë të hetimit preliminar dyshohet që një mosmarrëveshje paraprake mes dy familjeve ka qenë motiv që ka quar deri te ky rast, megjithatë  hetuesit policor duke punuar për  të ndriçuar dhe sqaruar të gjitha rrethanat që kanë të bëjnë me rastin.