Mitrovicë, 18 qershor - Një ushtar italian i KFOR sot ka humbur jetën në brendi të kampit ushtarak në afërsi të Çabrës në veri të Kosovës.

Sipas agjencisë italiane të lajmeve ANSA, ushtari i vrarë është Mikele Padula, 26 vjeç nga Montemesova, i cili është gjetur i shtrirë për tokë pas një të shtëne që është dëgjuar në kamp.

Pranë trupit të ushtarit të vrarë është gjetur arma e tij dhe dyshohet për një vrasje aksidentale.

Zëdhënësi i KFOR-it, Uve Novicki ka theksuar se ushtari u gjet i vrarë në brendi të kampit, ndërsa është paralajmëruar hollësi lidhur me këtë akt të humbjes së jetës të një ushtari.