Pejë, 7 shkurt  - Policia e Kosovës, përkatësisht stacioni piolicor Pejë, me datë 06.02.2014 rreth orës 18:00 është informuar, se në stacionin e autobusave në Pejë ka ndodhur një zënkë në mes të disa të rinjve.

Vendit të ngjarjes fillmisht i është përgjigjur menjëherë patrulla policore , mirëpo të njëjtit nuk i ka hasur në atë lokacion, gjatë kërkimit ka hasur në dy dëshmitar në rr.” Tahir Dema” , të cilët kanë njoftuar zyrtarët policor,se viktimën të plagosur në shpinë nga mjeti i mprejhtë (thikë)e kishin dërguar në drejtim të spitalit me një automjet disa dëshmitar për t’i afruar ndihmën mjekësore.

Menjëherë viktimën shtetasin G.K.(1997),nga fshati Llabjan – Pejë, për shkak të lëndimit të rëndë , mjekët kanë udhëzuar që të dërgohet në QKUK Prishtinë,mirëpo i njëjti nuk ka mundur t’i përballojë plagës së rëndë dhe mjekët kanë konstatuar vdekjene e tij rreth orës 19:49.

Menjëherë është informuar edhe Prokurori i shtetit,Njësiti i Hetimeve në nivel lokal e Rajonal,Njësiti krim.teknikës dhe njësitë tjera të nevojshme në ketë rast të cilët kanë dalë në vedin e ngjarjes.Vendit të ngjarjes ju ka përgjighur edhe Prokurori i shtetit.

Fillimisht policia nuk e ka pasur të njohur identitetin e të dyshuarve , mirëpo shumë shpejtë ka identifikuar dhe arrestuar të njëjtit.Te dyshuarit e arrestuar janë shtetasit M.D. (1999) dhe M.D.(1996) nga fshati Nabergjan – Pejë , të cilëve iu është bastisur shtëpia dhe konfiskuar mjeti (thikë)me të cilën dyshohet se është kryer vepra e vrasjes së rëndë.

Deri tek rasti sipas hetimeve preliminare, kishte ardhë pas një zënke verbale - fizike në mes të dyshuarve dhe viktimës,dhe me pas ishte përdorur mjeti i mprehtë - thika nga i dyshuari shtesi M. D. ( 1999),dhe si pasojë e goditjes me ketë mjet,viktima  përkundër përpjekjeve të ekipit mjekësor , ka ndërruar jetë . Me vendim të Prokurorit të shtetit , trupi i pa jetë i viktimës është dërguar për në obduksion .Motiv i këtij rasti dyshohet të jetë një zënkë në mes tyre më heret .

Të dyshuarit me vendim të Prokurorit shtetit sot më date 07.02.2014 dërgohen në Gjykatën themelore Pejë.

Rasti do të procedohet nga sektori i Vrasjeve të Njësitit Hetimeve Rajonale – DRP Pejë.