Uashington, 21 qershor -  Ambasadori amerikan për Krime Lufte, Stephen Rapp, ka deklaruar se Shtetet e Bashkuara shpresojnë që Parlamenti i Kosovës të miratojë javës që vjen ligjin për Gjykatën e Posaçme.

Një gjykatë e miratuar sipas tij nga Kosova do të ishte alternativa më e mirë.

Ambasadori Stephen Rapp ka thënë në një intervistë për “Zërin e Amerikës” se si aleati më i rëndësishëm i vendit, SHBA mendon se ky hap do të ishte jashtëzakonisht pozitiv për të, përfshirë hapat drejt integrimit euroatlantik.

Rapp ka folur edhe për ndalimin e ish-kryeministrit Haradinaj duke e quajtur atë pa vend.