Vushtrri, 3 shtator - Policia raporton se gjatë 24 orëve të fundit janë regjistruar tri aksidente me lëndime në rrugët e Vushtrrisë.

Në rastin e parë në akident janë përfshirë tri vetura civile, të drejtuara nga meshkuj shqiptar, ku si pasojë e aksidentit, lëndime trupore kanë pësuar tre drejtuesit, të cilët janë dërguar në tretman mjekësor në QKUK.

Rasti tjetër ka ndodhur dje në mesditë në rr. Gjergj Kastrioti-Skënderbeu, ku i dyshuari mashkull shqiptar derisa ishte duke drejtuar veturën, dyshohet nga pakujdesia ka goditur motoçikletën të cilën  e drejtonte viktima mashkull shqiptar.

"Si pasojë, viktima ka pësuar lëndime trupore dhe është dërguar për tretman mjekësor në QKUK. Me vendim të prokurorit rasti shkon në procedurë të rregullt", thuhet në raportin e policisë.

Në një akisdent tjetër, e dyshuara femër shqiptare derisa ishte duke drejtuar veturën, dyshohet nga pakujdesia ka goditur veturën tjetër të cilën e drejtonte viktima mashkull shqiptar.

"Si pasojë e aksidentit, lëndime kanë pësuar tri femra dhe dy meshkuj K-Shqiptar-pasagjerë në veturën e viktimës. Të lënduarit janë dërguar për tretman mjekësor në QKUK. Lidhur me rastin është njoftuar edhe prokurori", thuhet në raport.