Prishtinë, 20 mars - Policia e Kosovës konkretisht Drejtoria për hetimin e trafikimit me substanca narkotike në punën e vazhdueshme për luftimin e veprave penale  ka konfiskuar afër një kilogramë të  substancave narkotike si dhe ka bërë arrestimin e tre personave të dyshuar nën dyshimin e bazuar se kanë kryer veprën penale krim i organizuar, blerje, posedim, shpërndarje dhe shitje e paautorizuar të narkotikeve të rrezikshëm dhe substancave psikotropike.

Kështu dje rreth orës 17:30, është ndaluar automjeti TAXI, me të cilin udhëtonin tre persona që tanimë ishin të dyshuar për hetuesit policor.

Dyshimet kanë qenë se në automjet mund  të ketë substancë narkotike dhe kështu kanë bërë kontrollimin e detajizuar të automjetit ku janë gjetur 431. 34 gram sasi  e lëndës narkotike e dyshuar e  llojit  marihuana.

E gjithë substance narkotike është konfiskuar nga ana e hetuesve policor të drejtorisë për hetimin e trafikimit me substanca narkotike- sektori në Prizren.

Operacioni policor nuk ka përfunduar me kaq, pasi që hetuesit policor kanë  poseduar informatat se mundë të ketë edhe në shtëpinë e njërit nga të dyshuarit lëndë narkotike dhe me urdhër te prokurorit është bërë edhe bastisja e shtëpisë së të dyshuarit me ç’ rast në shtëpinë e tij është gjetur dhe konfiskuar një qese me substancë narkotike e  llojit marihuan me peshë 507.37 gram. 

Personat e dyshuar tanimë të arrestuar janë: 

    Bujar      R.     lindur më      1991   Shqiptar / Kosovarë   
    Leonard  V.     lindur më      1992   Romë/Kosovarë
    Florim    Sh.     lindur më      1991   Ashkali/Kosovarë

Pas konsultimit me prokurorin kujdestar personave të dyshuar i është shqiptuar masa e ndalimit policor për 48 orë ndërkohë që është  konfiskuar ne total sasia e lëndës narkotike  938.71 gram e llojit marihuan dhe janë duke vazhduar procedurat e mëtutjeshme hetimore.