Lipjan, 11 korrik - Në fshatin Llugaxhi të Lipjanit dje pas perëndimit të diellit ka ndodhur një aksident trafiku në mes të një traktori dhe një kamionete.

\"Si pasojë e aksidentit lëndime trupore kanë pësuar viktima dhe një pasagjer që gjendeshin në kamionetë, të njëjtit dërgohen për tretman mjekësor në QKUK-Prishtinë\", thuhet në raportin e policisë.
 
Ndërsa në një rast tjetër në fshatin Gërlicë të Ferizajt, dje në mesditë raportohet se është arrestuar i dyshuari mashkull shqiptar shtetas i Maqedonisë, pasi që i njëjti duke drejtuar automjetin e tij nga pakujdesia ka goditur këmbësorin mashkull shqiptar. 

Policia raporton se viktima është dërguar në QKUK për trajtim të nevojshëm mjekësor, ndërsa i dyshuari me vendim të prokurorit është dërguar në mbajtje.