Suharekë, 6 qershor - Policia e Kosovës (PK) ka bërë me dije se pas një mosmarrëveshje në mes të dy personave në Komunën e Suharekës, njeri prej tyre ka nxjerrë revolen dhe ka shtënë në drejtim të personit tjetër. Në këtë incident PK-ja nuk ka njoftuar për të plagosur, por ka bërë me dije se ka arrestuar të dyshuarin.

“Është arrestuar i dyshuari mashkull k-shqiptar, pasi i njëjti pas një mosmarrëveshje ka shtënë me armë zjarri në drejtim të viktimës mashkull k-shqiptar. Njësiti policor nga i dyshuari ka konfiskuar armën ‘CZ’ me një karikator me tetë fishekë të cal. 9 mm. Nuk raportohet për të lënduar. Me urdhër të prokurorit, i dyshuari dërgohet në mbajtje”, është thënë në njoftimin e PK-së.