Prishtinë, 21 janar - Sot në qytetin e Vitisë pas organizimit  të një grupi të personave, është rrënuar monumenti i cili simbolizonte Luftën Antifashiste Nacional Çlirimtare.

Drejtoria e Përgjithshme e Policisë në Prishtinë paraprakisht kishte njoftuar  Drejtorin Rajonale të Policisë në Gjilan, respektivisht komandantin e Stacionit Policor në Viti  për të parandaluar rrënimin e këtij monumenti pasi qe paraprakisht kishte informacione për tendencën për rrënimin e të njëjtit.

Pas analizës së  bëra lidhur me angazhimin e zyrtareve policor të Stacionit Policor në Viti kemi ardhur në konkludim se Komandanti i Stacionit Policor në Viti si pasoj e neglizhencës në detyrë ka dështuar në kryerjen e detyrave  dhe obligimeve profesionale së bashku me Shefin e Operatives, Udhëheqësin e Sektorit dhe   dy zyrtar patrullues,  nuk kanë ndërmarrë veprimet e duhura në aspektin profesional për të parandaluar aktin kriminal të rrënimit të monumentit.

Si rrjedhoje e dështimit në përmbushjen e objektivave, Komandanti i Stacionit shefi i Operatives, Udhëheqësi i Sektorit dhe dy zyrtar patrullues  suspendohen  dhe ndaj tyre  iniciohet  procedura  konform përkufizimeve ligjore.

Policia e Kosovës do të vazhdoje të jetë e përkushtuar në përmbushjen e të gjitha detyrave dhe obligimeve konform ligjeve në fuqi më qellim ofrimit dhe ngritjes se nivelit të sigurisë për të gjithë qytetaret e vendit pa dallim.

Gjithashtu Policia e Kosovës do të jetë fuqishëm e përkushtuar qe të ndërmarr të gjitha veprimet ligjore,  ndaj pjesëtareve të saj po qe se dështojnë në përmbushjen e  obligimeve ligjore.