Prishtinë, 25 gusht - Në 1 shtator duhet që të shuhen të gjitha Gjykatat që kanë vepruar paralelisht në veri, përfshirë këtu edhe Prokurorit.

Kjo nënvizohet në planin e detajuar të marrëveshjes së 19 prillit të nënshkruar në Bruksel mes Kosovës dhe Serbisë.

Por mesa duket ky proces do të zgjatet edhe më tej. Kështu ka theksuar zv/kryeministrja Edita Tahiri, shkruan Bota sot.

Sipas saj, afati do të shtyhet për shkak se ende nuk janë përfunduar të gjitha detalet e Marrëveshjes për shuarje dhe integrim.

Analistët politik këtë e shohin si tendencë të palës serbe për të zvarritur proceset dhe për të përfituar në kohë.