Sot mbahet seanca ndaj Limajt, shqyrtohet dëshmia e “Dëshmitarit X”
Dëshmia e tij do të merret për bazë për procesin ndaj deputetit të PDK-së, Fatmir Limajt.
Avokati i Limajt, Tom Gashi, ka deklaruar nesër pritet të vazhdojë shqyrtimi kryesor në rastin “Kleçka”, dhe poashtu pritet që të vendoset për leximin e raporteve të ekspertëve lidhur me analizimin e gjendjes psikike të dëshmitarit ‘X’.
“Sot do të vijojë shqyrtimi kryesor i rastit “Kleçka” dhe pritet që të vendoset leximi i raporteve të ekspertëve britanik lidhur me analizimin e gjendjes psikike të “Dëshmitarit X”, ka thënë Gashi.
Ai e quajti procesin si të stërzgjatur pa ndonjë arsye, ndaj edhe pala mbrojtëse ka hequr dorë nga seancat dëgjimore të dëshmitarëve.
“Mbrojtja e Limajt pret që rasti të përfundoj në shtator. Mendojmë se Limaj ka vuajtur mjaftë nga sistemi selektiv i drejtësisë dhe mendoj se sistemi i drejtësisë është mjaft i politizuar”, ka thënë Gashi.
“Gjykata ka mjaft prova për ta liruar Limajn, dëshmitarët e tjerë janë të panevojshëm”, tha ai.
