Vushtrri, 10 prill - Sot në orën 11:00, në Qendrën e Kosovës për Siguri Publike, Edukim dhe Zhvillim në Vushtrri, organizohet ceremonia e diplomimit të Gjeneratës së 40-të të kadetëve të rinj të Policisë së Kosovës.

Të pranishëm në ceremoninë e diplomimit pritet të jenë edhe zyrtarët e lartë të Ministrisë së Punëve të Brendshme, të Drejtorisë së Përgjithshme të Policisë së Kosovës, zyrtar policorë të rajoneve të ndryshme, pastaj përfaqësues të KFOR-it,  EULEX-it, OSBE-së, ICITAP-it, si dhe familjarë të kadetëve të Gjeneratës së 40-të të Policisë së Kosovës.