Rahovec, 28 gusht - Tani që janë rikthyer temperaturat e larta janë shtuar edhe rastet e zjarreve në vendin tonë.

Në fshatin Koznik të Rahovecit, raportohet se i dyshuari mashkull shqiptar nga pakujdesia i ka vënë zjarrin pyllit me ç ‘rast është djegur një sipërfaqe e konsiderueshme.

"Në vendin e ngjarjes kanë dalë njësitet përkatëse dhe zjarrfikësit të cilët janë duke tentuar ta shuajnë zjarrin. Nuk raportohet për të arrestuar. Me urdhër të prokurorit rasti shkon në procedurë të rregullt", njofton policia.

Ndërsa në fshatin Carrallukë të Malishevës, ankuesi mashkull shqiptar ka raportuar se në rrethana të panjohura nga zjarri i është djegur shtëpia  e tij e pabanuar. Përveç dëmeve materiale nuk ka të lënduar.

Ndërsa në fshatin Vojnovc të Shtimes, ankuesi mashkull shqiptar ka raportuar se në rrethana të panjohura nga zjarri i është përfshirë shtëpia e tij.

"Njësitet relevante dhe zjarrfikësit kanë dalë në vend-ngjarje dhe kanë lokalizuar zjarrin. Përveç dëmeve materiale nuk raportohet për lëndime në njerëz", thuhet në njoftimin e policisë.