Shqipëria konfirmoi mbështetjen për KFOR-in
Gjeneral Figliuolo nënvizoi marrëdhëniet e shkëlqyera midis Forcave të Armatosura Shqiptare dhe KFOR-in, dhe ai gjithashtu shprehu falenderimin e tij për kontributin e jashtëzakonshëm të oficerëve të stafit shqiptarë të NATOs në selinë e KFOR-it.
Në këtë drejtim Gjeneral Figliuolo theksoi bashkëpunimin e shkëlqyer mes Autoriteteve Shqiptare dhe KFOR-in, i konfirmuar nga autorizimi i shpejtë i dhënë javën e kaluar, për të lejuar një helikopter të KFOR-it për të fluturuar mbi territorin shqiptar për një operacion të kërkim-shpëtimit.
Në vazhdën e politikës të qasjes gjithëpërfshirëse të caktuar nga Komandanti i mëparshëm i KFOR-it, ky takim është mbajtur si pjesë e agjendës së bisedimeve të nivelit të lartë në bazë të angazhimeve të rregullta me Shefat e Mbrojtjes të vendeve të ndryshme të cilat kufizohen me rajonin e Përgjegjësisë së KFOR-it.
Kjo përfaqëson një mundësi efektive për të shkëmbyer informacion dhe pikëpamje për situatën e përgjithshme të sigurisë në rajonin e Ballkanit.
Me këtë rast Gjemeral Figliuolo u takua poshtu edhe me Ministren e Mbrojtjes së Shqipërisë, Zonjën Mimi Khodeli.
Ata diskutuan tema të rëndësishme që lidhen kryesisht me situatën e përgjithshme në Kosovë dhe zhvillimet e fundit politike dhe ata ranë dakord për rëndësinë e bashkëpunimit për të përmirësuar situatën e sigurisë në rajon.
Në veçanti Gjeneral Figliuolo dhe Ministri Khodeli kanë shqyrtuar një marrëveshje të mundshme për zbatimin e procedurave tashmë të testuara në lidhje me hapësirën ajrore për aktivitetet operative.
Komandanti i KFOR-it theksoi përmirësimin në situatën e sigurisë, pas marrëveshjes në mes të Beogradit dhe Prishtinës dhe ka konfirmuar përpjekjen e vazhdueshme të misionit të NATO-s për të kontribuar për një mjedis më të qetë dhe të sigurtë dhe lirinë e lëvizjes.
Ministri Khodeli konfirmoi mbështetjen e plotë të vendit të tij për misionin e NATO-s KFOR-it në Kosovë.
Përveç kësaj, Gjeneral Figliuolo u takua me ministrin Punëve të Brendshme të Shqipërisë, Samir Tahiri.
Ata ranë dakord mbi rëndësinë e KFOR-it, si reagues i tretë, për të mbështetur Policinë e Kosovës dhe EULEX-in, në rolin e tyre si përgjigjës të parë dhe të dytë në ruajtjen e një mjedisi të qetë dhe të sigurt dhe lirinë e lëvizjes në fushën e operacioneve.
Në Tiranë, Gjeneral Figliuolo ka pasur mundësi të flasë edhe me Ambasadorin italian në Shqipëri, Shkelqësinë e tij, Massimo Gaiani.
