Prishtinë, 26 nëntor - Shërbimi Korrektues i Kosovës (SHKK) do te organizoj ceremoninë e ditës së shënimit të 20 vjetorit jubilar të themelimit të Shërbimit Korrektues e cila do të zhvillohet  sot në  Sallën e Kuqe të Pallatit të Rinisë.

Shërbimi Korrektues i Kosovës është themeluar menjëherë pas luftës, më 05 Nëntor 1999, fillimisht me hapjen e Qendrës së Paraburgimit në Prizren.

Personeli  vendor ishte kryesisht staf  që kishin punuar  para lufte. Në maj të vitit 2000 për herë të parë rekrutohen personel korrektues të rinj në bazë të konkursit.