Prekaz, 22 janar - Sot në Prekaz të Komunës së Skenderajt do të shënohet përvjetori i sulmit të dytë i forcave serbe ndaj familjes Jashari.

Në shënimin e përvjetorit do të marrë pjesë Kryeministri i Kosovës, Albin Kurti, Ministri Hajrulla Çeku, anëtarë tjetër të kabinetit qeveritar, deputetë të Kuvendit të Kosovës dhe drejtues të institucioneve tjera shtetërore.

Në kuadër të kësaj ngjarjeje, do të bëhen homazhe tek dëshmorët, pastaj do të vizitohen kullat ku do të takohet edhe Familja Jashari, do të vizitohet shtëpia e Hamit e Salë Jasharit dhe të shihen ndërhyrjet emergjente në këtë shtëpi.