Prishtinë, 10 dhjetor - Avokati i Popullit, së bashku me shoqërinë civile në Kosovë, edhe këtë vit vazhdojmë me iniciativën e përbashkët për shënimin e 10-dhjetorit - Ditës Ndërkombëtare për të Drejtat e Njeriut.

Me këtë rast mbahet tubimi me moton “Çohu për të Drejtat e Njeriut”, tanimë traditë e filluar që nga viti 2018, i cili ka për qëllim dërgimin e një mesazhi për angazhim më të shtuar, gjithëpërfshirës dhe ndërinstitucional për promovimin dhe për mbrojtjen e të drejtave të njeriut dhe lirive themelore.