Prishtinë, 10 korrik - Sot ministri i FSK Haki Demolli  së bashku me stafin më të lartë të ministries dhe FSK-së priti  Zëvëndës Asistentit të Sekretarit të Mbrojtjes së SHBA-ve  Mishel Karpenter (Dr Michael Carpenter).

                                                                                                                                               Në takim ministri Haki Demolli  përmes delegcionit të zotit Karpenter falenderoi SHBA-të, për përkrahjen e vazhdueshme  që po jep  për FSK-në  dhe ministrisë  në përgjithësi. Kjo përkrahje konsiston  në: “1.- Në ngritjen e Kapacitetve profesionale të FSK-së; 2.- Arësimimin dhe  shkollimin e pjesëtarëve të  FSK-së; 3.- Trajnimet e shumta ushtarake; 4.- Dhurimin  e pajisjeve  teknike  dhe ushtarake për nevojat e FSK-së;  5.- Dhënien e konsulencës dhe këshillave profesionale dhe ushtarake; 6.-Përkrahjen e vazhdueshme financiare; dhe 7.- Ndërtimin e pratenritetit me Gardën Kombëtare të shtetit të Ajovës, i cili njihet si njëri ndër  partenritetet  më të sukseshshme  të njësive federale  të SHBA-ve  me shtet tjera.                                                    

 Poashtu ministri Demolli me këtë rast  falenderoi SHBA-të për vendimin  dhe Kërkesën e Kongresit Amerikan drejtuar administratës amerikane  për ta përgaditur dhe ndihmuar  Kosovën  për anëtarësim në  Partneritetin për Paqe. Ministri Demolli njoftoi delegacionin nga SHBA-të  edhe me procesin e transformimit  të FSK-së  në Forca të Armatosura të Kosovës (FAK) duke u fokusuar konkretisht  në çështjet si: 1.- Vështirësitë; 2.- Sfidat; 3.- Pengesat; 4.- Vendimet që janë ndërmarrë si ministri dhe qeveri. Ai me këtë rast për çështjet e ngritura kërkoi edhe ndihmëën e SHBA-ve për të tejkaluar këto vështirësi.                                                                                                        

Më tej ministri Demolli  Ka njoftuar zyrtarin e lartë nga SHBA-të për Letrën që Kryeministri i Kosovës zoti Isa Mustafa i ka dërguar NATO-s  me kërkesë të krijimit të dialogut në mes NATO-s dhe Kosovës,  si dhe për hezitimin e  shteve anëtare të NATO-s që nuk e kanë njohur pavarësinë e Kosovës, me qka ai kërkoi përkrahjen e SHBA-ve në këtë drejtim. Nga Zoti Karpenter u kërkua edhe përkrahja e SHBA-ve për anëtarësim me status të plotë  në nismat regjionale të sigurisë si:  Karta e Adriatikut (A-5),  ku aktualisht ne kemi statusin e vëzhguesit.                                                       

Po ashtu në takim u trajtuan edhe tri çështje thelbësore për ministrinë e FSK-së  si: 1.-Transformimi  dhe Mbështetja në aspektin  e integrimit  në iniciativat rajonale; 2.- Format dhe intensiteti i Bashkëpunimit Bilateral ndërmjet FSK-së dhe SHBA-ve; 3.- Operacionet dhe Ushtrimet  ushtarake  të FSK-së me theks të posaqëm në Ushtrimin Fushor “Shqiponja-5”  që do të mbahet në tetor 2016.

Nga ana e tij zëvëndës asistenti i Sekretarit të Mbrojtjes zoti Mishel Karpenter u shpreh se SHBA-të janë duke u angazhuar shumë në ndihmën që po japin Kosovës dhe posaqërisht FSK-së. Ai u  nda i knaqur me arritjet e deri tashme të FSK-së, duke qenë si bazë  e mirë për ngazhim të më tejmë edhe jashtë Kosove. 

Ai po ashtu tha se krahas rezultateve të arritura dhe ndihmës sonë të vazhdueshme, duhet të zhvilloni aktivitete konkrete të planifikuara në  vazhdimësi, sepse  aktivitetet e vazhdueshme  janë  garancë e rezultateve. Po ashtu në fund zoti Karapenter pati një deklaratë para mediave ku ndër të tjera tha se:  “Është knaqësi të jesh në Prishtinë dhe pas takimeve me  drejtuesit më të lartë të shtetit si; me Presidentin, me  Kryeministrin dhe  Kryetarin e Parlamentit,  tash patëm bashkëbisedim të mirë me ministrin Demolli dhe Gjeneral Ramën. Ne patën një bisedë të rëndësishme, tash më  veq është e njohur se SHBA-të mbështesin fuqishëm Kosovën e pavarur demokratike dhe multietnike, në këtë drejtim ne mbështesim edhe FSK-në me trajnime, paisje e këshillime. Ne kemi lujatur rol të rëndësishën duke përkrahur MFSK në hartimin e Rishikimit të Strategjisë së Sektorit të Sigurisë në Kosovë (RSSSK), dhe ne jemi krenar që është punuar në planifikimin e transfomimit të FSK-së, që një ditë ajo të jetë Forcë e Armatosur e Kosovës, si forcë që do të mbron integritetin dhe sovranitetin e vendit.

Ne jemi që  i tërë ky proces të shkon përmes procesit kushtetuese  dhe ndryshimeve ligjore, sipas meje proces i përgaditur shumë mirë. Ne biseduam sot këtu edhe për intensifikimin e bashkëpunimit në mes të FSK-së dhe SHBA-ve, në veçanti në fushën e ushtrimeve, trajnimeve, shkollimit, bashkëpunimit me Komandën e Ushtrisë së SHBA-ve për Evropë dhe posaqërisht me Gardën Kombëtare të Ajovës, në bazë të Programit të Partneritetit Shtetrorë i cili është një program i gjerë bashkëpunimi”.                                                    

Në këtë takim zoti Mishell Karpenter shoqërohej edhe nga Gjeneral Brigade  William A. Hall, Tiffani Petros, Jim Hope, koloneli Anthony Butts dhe ushtrarak të tjerë të lartë.                                            

Në delegacionin e MFSK-së të pranishëm ishin: Zëvëndësministri Fadil Gfashi, zëvëndësministri Muhamet Latifi, Komandanti i FSK-së Gjeneralllejtënant Rrahman Rama, Drejtori i Deparatmentit të Operacioneve gjneralbrigade Zymer Halimi, Frauk Geci Drejtor i Drejtorisë për për Politika dhe Plane, Kolonel Ilir Qeriqi Shef i Departamentit për Bashkëpunimi dhe Siguri, Kolonel Fadil Hadergjonaj këshilltar ushtarak i ministrit  dhe Latif Leka Shef i Kabinetit të Ministrit.