Washington, 12 janar - Presidenti amerikan Barack Obama ka ftuar aleatët në samitin e sigurisë që do të mbahet në Washington muajin e ardhshëm, për parandalimin e ekstremizmit të dhunshëm.

Prokurori i Përgjithshëm amerikan Eric Holder tha se samiti do të mbahet më 18 shkurt.

Njoftimi u bë në Paris në praninë e krerëve të Drejtësisë dhe të Brendshëm të vendeve europiane, pas sulmeve teroriste në Paris.

Ata ranë dakord për zgjerimin e bashkëpunimit në një përpjekje për të penguar sulmet e mëtejshme xhihadiste.

Ndërkohë, masa të mëtejshme do të diskutohen këtë javë në takimin e Brukselit.