Klinë, 15 janar - Sot rreth orës 03:57 Policia e Kosovës, Stacioni Policor në Klinë,është njoftuar përmes telefonit, se në afërsi të shkollës së fshatit Ujmir, komuna Klinë gjendet një person i shtrirë në tokë.

Efektivet policor menjëherë kanë dalë në vendin e ngjarjes dhe kanë konfirmuar rastin se personi ishte pa shenja jete.

Policia ka ftuar edhe mjekun kujdestar i cili në vendin e ngjarjes ka konstatuar vdekjen e shtetasit të Kosovës Rexhë R. i moshës rreth vjeç 46, nga fshati Ujmir,i cili në dukje sipërfaqësore ishte i qëlluar me armë zjarri në pjesën e epërme të trupit.

Njësitet përkatëse të hetimeve në nivel lokal dhe rajonal kanë dalë në vendin e ngjarjes,dhe lidhur me rast është njoftuar edhe Prokurori i çështjes,me mbikëqyrjen e të cilit është bërë edhe këqyrja e vendit të ngjarjes.

Po ashtu hetuesit kanë ndërmarrë edhe veprime tjera operativo – hetimore, dhe ne ketë rast kanë intervistuar disa persona dhe familjar të viktimës,njëherit janë në vazhdim të hetimit për të identifikuar dhe kapur kryesin e mundshëm të vrasjes.

Oficerët hetues të këtij rasti intennzivishtë janë duke mbledhur prova dhe dëshmi për të ndriçuar  të gjitha rrethanat lidhur me ketë vrasje.