Prishtinë, 22 dhjetor - Komandanti i Forc së Sigurisë së Kosovës(FSK), gjenerallejtënant Rrahman Rama  ka mbajtur ligjëratë  para studentëve  dhe profesorëve të Kolegjit ,,Riinvest’’  me temën ,,Transformimi i Forcës së Sigurisë së Kosovës  në Forcat e Armatosura’’

Në fillim  Prof. Bardhyl  Metaj para të pranishmëve bëri një prezantim për punën, jetën dhe shkollimin e Komandantit të FSK-së, si dhe  kontributin e tij  në periudha të ndryshme të jetës.


Gjeneral Rama  ligjëratën e tij e fokusoj në ndërtimin e FSK-së  bazuar në ligjet të cilat dolën nga  rekomandimet  gjithëpërfshirëse  të pakos së presidnetit  Ahtisari, ku ndërtimin e FSK-së e mori përsipër NATO-ja, dhe kështu së bashku  me një angazhim të përbashkët me partnerët  për një kohë relativisht të shkurtë u arrit plotësimi i kritereve si arritja e kapaciteteve fillestare  dhe më pastaj në korrik të 2013 rekomandimin  nga sekretari  gjeneral i NATO-s  për arritjen e kapaciteteve të plota Operacionale ,ato të Deminimit, Kërkim –Shpëtimit, Mbrojtjes kimiko atomike biologjike(MKAB), Logjistikës , Xhenios, Mjekësisë, Komunikimit, Policisë së Forcës etj. Pra, FSK –ja funksionon  dhe  vepron  në linjë me ligjet  dhe rregulloret  në fuqi  dhe bazuar në standardet  e vëna nga NATO, tha gjeneral Rama para studentëve.

Ligjërata e gjeneral Ramës vazhdoi duke shpjeguar  strukturën e MFSK-së dhe FSK-së, trajnimet të cilat  janë duke u mbajtur si brenda dhe jashtë vendit,  duke filluar nga SHBA-ja, bashkëpunimin bilateral me Gardën Kombëtare të shtetit IOWA të SHBA-së,  si pjesëmarrjen në trajnimet dhe shkollat e NATO-s nga ky vit.  Gjatë ligjëratës, gjenerali Rama e theksoi edhe suksesin që pjesëtarët tregojnë gjatë studimeve jashtë vendit, duke  theksuar suksesin e nëntogerit të FSK-së që ka përfunduar trajnimin në ,,Sundhurst’’ të Mbretërisë së Bashkuar  duke  u dekoruar si kadeti më i mirë.

Më tej, Komandanti i FSK-së foli edhe për pjesëmarrjen e FSK-së në ushtrimet regjionale  si ai në Krivollakë të Maqedonisë,  ,,Joint Reaction” në Shqipëri dhe,, Immediate Response”, në Kroaci dhe Slloveni  ku pjesëtarët tanë kanë treguar një  nivel të lartë të profesionalizimit në kryerjen e detyrave ,dhe në vitin që po hymë  kemi një ofertë për pjesëmarrje në një ushtrim në Poloni  ku do të marrin pjesë 21 shtete  me mbi 25 000 ushtarë. FSK ka realizuar me qindra projekte humanitare  në të mirë të qytetarëve , ka deminuar  mijëra metra katror fusha të minuara, me dhjetëra intervenime në shpëtim të jetës së qytetarëve  nga ekipet e Kërkim-Shpëtimit .

Pas rishikimit të Sektorit Strategjik të Sigurisë(RSSS) ku bëhet një analizë e gjithë sektorit të sigurisë për t`i analizuar sfidat e sigurisë të tashmes dhe  të së ardhmes.

FSK ka përgatitur agjendën e transformimit  së bashku me partnerët  tanë  kemi dorëzuar pakon e ligjeve për transformim jemi në pritje të një vendimi politik dhe ne jemi të gatshëm  për misionin e ri  që është  Mbrojta e sovranitetit dhe integritetit territorial. Dhe kjo do të arrihet në fazat e zhvillimit  të planifikuar në planin dinamik të transformimit, përfundoj gjeneral Rama, Komandanti i Forcës së Sigurisë së Kosovës.


Në funde nga studentët dhe profesorët u bën pyetje të shumta  të fokusuara në të arriturat, sfidat  dhe mundësit të cilat i ofron FSK-ja sot e në të ardhmen  Forcat e Armatosura të Kosovës