Prishtinë, 8 shtator - Qeveria e Republikës së Kosovës ka aprovuar vendimin për t’i rekomanduar Kryeministrit të Kosovës vazhdimin edhe për një mandat në pozitën e drejtorit të përgjithshëm të Policisë së Kosovës, Shpend Maxhunit.

Kryeministri Isa Mustafa ka vlerësuar lartë punën e Policisë së Kosovës dhe menaxhimin e Policisë së Kosovës, jo vetëm gjatë kësaj periudhe sa është mandati i kësaj Qeverie, por edhe në vazhdimësinë e punëve që ka kryer edhe Policia edhe z. Maxhuni, duke theksuar edhe pajtimin që të emërohet edhe për  një mandat tjetër.

Është emëruar edhe drejtori i përgjithshëm i Agjencisë së Akreditimit të Kosovës, në kuadër të Ministrisë së Tregtisë dhe Industrisë.