Prishtinë, 11 mars - Agjencia e Regjistrimit Civil (ARC) e Ministrisë së Punëve të Brendshme (MPB) ka njofutar qytetarët e Republikës së Kosovës se në Qendrën për Pajisje me Dokumente në Fushë Kosovë, një nga zyrtarët ka rezultuar pozitiv me COVID-19.

Për shkak të rrezikut nga përhapja e COVID-19, është marr vendim  që Qendra  për Pajisje me Dokumente në Fushë Kosovë, të mbyllet përkohësisht deri në një vendim tjetër.

ARC bën të ditur se vetëm tërheqja e dokumenteve që janë të gatshme, mund të bëhet në këtë Qendër.  

Ndërsa, për të gjitha aplikimet për dokumente, qytetarët sipas ARC-se mund t’i drejtohen Qendrave tjera me të afërta.

ARC falenderon në mirëkuptimin e qytetarëve të Fushë Kosovës!