Prokuroria Themelore në Gjilan brenda javës ka ndaluar 13 persona të dyshuar
Departamenti për Krime të Rënda, ka ndaluar 6 (gjashtë) persona, për shkak të dyshimit të veprave penale, ‘’Vrasje e Rëndë’’, ‘’Shkaktim i rrezikut të përgjithshëm’’, ‘’Armëmbajtje pa leje’’ dhe ‘’Posedimi, shpërndarja dhe shitja e paautorizuar e narkotikëve, substancave psikotrope ose analoge’’, të Kodit Penal të Republikës së Kosovës.
Nga Departamenti i Përgjithshëm, janë ndaluar 6 (gjashtë) persona, për shkak të dyshimit të veprave penale, ‘’Lëndim i lehtë trupor’’, ‘’Sulm’’ dhe ‘’Shantazh’’, të KPRK-së.
Ndërsa, Departamenti për të Mitur, ka ndaluar një të mitur, për shkak të dyshimit se ka kryer veprën penale, ’’Posedimi, shpërndarja dhe shitja e paautorizuar e narkotikëve, substancave psikotrope ose analoge’’, të KPRK-së.
Prokuroria Themelore në Gjilan, për të gjitha rastet me ndalim, brenda afateve ligjore ka parashtruar kërkesat për caktimin e masës së paraburgimit, në Gjykatën kompetente në Gjilan.
