Prishtinë, 29 prill - Prokuroria Speciale e Republikës së Kosovës ka ngritur aktakuzë pranë Departamentit të Krimeve të Rënda të Gjykatës Themelore në Prishtinë kundër tre të pandehurve për veprat penale: “Krim i Organizuar” nga neni 238 i Kodit Penal të Kosovës dhe “Kontrabandimi i Migrantëve”, nga neni 170 i Kodit Penal të Kosovës).

Sjellja kriminale e pretenduar përfshinë aktivitete që kanë ndodhur nga marsi 2013 deri në mars 2014.

Aktakuza është ngritur nga një prokuror ndërkombëtar i PSRK-së pas hetimeve (“Operacioni Falso”) të zhvilluara nga Njësia Hetimore e Policisë Kufitare të Kosovës në bashkëpunim të afërt me autoritetet përkatëse gjyqësore në Zvicër.