Prishtinë, 15 tetor - Prokuroria e Shtetit menjëherë ka filluar hetimet pas incidentit të sotshëm në Kuvendin e Kosovës, kur deputetë të opozitës kanë hedhur gaz lotësjellës për të pamundësuar vazhdimin e seancës.

Sipas pamjeve të filmuara sot, vërehet deputeti Faton Topalli nga Lëvizja Vetëvendosje dhe Donika Kadaja Bujupi nga Aleanca për Ardhmërinë e Kosovës kur e hedhin gazin lotsjellës.

Një hetim i ngjashëm është duke u zhvilluar edhe ndaj deputetëve Albin Kurti e Albulena Haxhiu, po nga Lëvizja Vetëvendosje për një veprim të ngjashëm javën e kaluar.